Blog do PSdeG-PSOE Provincial de Lugo

Os socialistas denuncian que o Partido Popular marxina a sabendas e intencionadamente aos produtores das 6.700 explotacións de gando ovino e cabrún da provincia, pois decidiu non incluílos na campaña de promoción de consumo de carne que os populares puxeron en marcha dende a Xunta de Galicia. Estes profesionais solicitaron directamente á Consellería de Medio Rural a súa incorporación na mesma, acadando o non por resposta por tratarse dunha decisión da Presidencia do Goberno galego, que ostenta Núñez Feijóo.

 

O PSOE remarca a importancia deste sector para a economía da provincia, pois no conxunto do territorio lugués hai rexistradas unhas 6.700 explotación de gando ovino e cabrún, que representan o 30% das existentes en Galicia. Na súa maioría, son agrupacións familiares que non chegan ás 100 cabezas de gando mentres que unhas 80 contan con máis dun cento de exemplares, superando nalgúns casos os 250 animais.

 

Con este datos, os socialistas consideran que estes profesionais precisan dun maior compromiso da administración galega coas competencia directas na materia, que é a Xunta de Galicia, para impulsar a comercialización e consumo dos seus produtos. O PSOE apunta que “este é un exemplo máis da lexislatura do PP no desmantelamento e abandono do rural da nosa provincia”.

 

O PSOE defende a igualdade de oportunidades para todos os produtores: vacún, porcino, avícola, cunícula, cabrún e vacún…. pois todos e cada un deles precisan da implicación das administracións públicas para manter e impulsar os seus negocios, atopando oportunidades nun mercado cada vez máis global e internacional.

One Comment

  1. Dende OVICA agradecemos o apoio ante unha situación que consideramos totalmente inxusta e discriminatoria por parte da Consellería de Medio Rural e da Xunta de Galicia.

    ¿Para cando se lles vai a dar o recoñecemento por parte da Xunta de Galicia, que teñen os nosos/as gandeiros/as de ovino. O ovino e o cabrún non é unha orientación productiva de segunda división. Os/as nosos/as pastores/as son gandeiros/as que traballan a reo tódolos días e que pagan os seus impostos como o resto de cidadáns. Por iso demandamos da Consellería de Medio Rural e do resto de adminsitracións dependentes da Xunta de Galicia un trato igualitario e un respecto pola actividade de mantemento do territorio e da paisaxe que realizamos, fixando poboación, conservando limpos e coidados os nosos montes e mantendo vivo o noso rural. A campaña Irresisitiblemente Galega 100% é unha clara evidencia que para os/as nosos/as xestores non significamos nada (inclúen a tódalas carnes producidas en Galicia, menos as nosas), aínda cando fai 2 anos se nos deu recoñecemento á marca de Garantía Pastores de Galicia. ¿Por qué este desprezo e minusvaloración?

    Responder

Que che pareceu o artigo ?