Blog do PSdeG-PSOE Provincial de Lugo

.- O Grupo Municipal Socialista porá de manifesto na última sesión plenaria do ano o incumprimento reiterado do deber de entrega de documentación por parte do goberno municipal. Son moitas as ocasións nas que o goberno popular de Baamonde foi sinalado por esta eiva “cunha tendencia antidemocrática” na súa xestión, unha delas no pleno celebrado a comezos de outubro, no que se retirou da orde do día un recoñecemento extraxudicial de crédito “intentando levar a aprobación dun expediente que non foi amosado á oposición”.

 

Agora, as e os socialistas afirman que o equipo de goberno lles oculta os requirimentos realizados polo mal funcionamento na rede de suministros, pois “non entregaron a copia das analíticas de potabilización da auga das traídas municipais dos últimos dous meses nin a copia dos informes da empresa concesionaria ao respecto das alteracións”, asevera a voceira do PSOE, Elba Veleiro.

 

Neste senso, tamén quixeron lembrar desde o Grupo Socialista que “en maio do 2017 a Valedora do Pobo instou a Agustín Baamonde a facilitar canta información fora requirida tras a denuncia do noso grupo”, subliñou Veleiro, insistindo na actitude do alcalde ao “ter infrinxido e obstaculizado de xeito repetido o deber democrático de fiscalización que levamos a cabo na oposición socialista”.

 

Proposta cemiterio

Ante a inexistencia dunha normativa reguladora do Cemiterio Municipal, o PSOE pedirá que se plasmen os aspectos máis relevantes de funcionamento destas instalacións para dotar de seguridade xurídica e garantir a prestación efectiva. Así, un Regulamento de Réxime Interior do cemiterio contemplaría horarios de apertura, servizo de limpeza das zonas comúns, e outros aspectos a ter en conta para un respectuoso e bo funcionamento.

 

Outras propostas

Ademais, tal e como xa anunciaron en semanas anteriores, os socialistas levarán ao pleno unha moción para que se tomen medidas contra a praga da vespa velutina, tales como máis material para os colectivos implicados na retirada dos niños e para apicultores, así como formación e concienciación á veciñanza.

 

O PSOE tamén levará á sesión plenaria a súa preocupación polo continuo asolagamento da estrada da charca do alligal, realizando unha batería de preguntas. Tamén se interesarán por dar solución á problemática dos puntos de recollida de plásticos agrícolas nas parroquias.

 

Por último, solicitarán o cambio de sinalización vertical e unhas nocas bandas redutoras de velocidade, así como o pintado de todas as zonas de aparcamento para persoas con discapacidade ou medidas de seguridade para a veciñanza do Carrizo.

Que che pareceu o artigo ?