Blog do PSdeG-PSOE Provincial de Lugo

– José García agradeceu o traballo e implicación “do Presidente da Deputación, por ter atendido as demandas dos veciños de Riotorto, que lle temos traslado en varios encontros e facer posible estas actuacións”

– García puxo en valor os 140.000 euros que o Executivo Provincial destinará para acondicionar 2 quilómetros da LU-P-2801 que transcorre de Santo Tomé por San Adriano, Augaxosa e Mazo. É o derradeiro treito, do punto 8,2 ao 10,2

Riotorto, 28 de xaneiro de 2018.- O Secretario Xeral do PSOE en Riotorto, José García, puxo en valor este luns os 140.000 de investimento que o Goberno da Deputación destinará para acondicionar 2 quilómetros da LU-P-2801 que transcorre de Santo Tomé por San Adriano, Augaxosa e Mazo, e que comunica Riotorto con Lourenzá. Trátase do derradeiro treito desta estrada, que vai do punto 8,2 ao 10,2, e que quedaba por mellorar.

José García agradeceu o traballo e implicación “do noso compañeiro socialista, o Presidente da Deputación, por ter atendido as demandas dos veciños de Riotorto que lle temos traslado en varios encontros e, deste xeito, facer posible a mellora integral desta estrada provincial, fundamental para as 1.000 persoas que viven na zona, así como para os 3.500 mariñás dos Concellos de Riotorto e Lourenzá, xa que é unha das vías de acceso a estes dous municipios”.

Os traballos do Goberno do PSOE na Deputación na LU-P-2801 consistirán na remodelación integral do firme con aglomerado en quente, a limpeza de cunetas, repintado e instalación de sinalización horizontal e vertical. Con estas obras o Executivo Provincial mellorará  a comunicación ao tempo que se incrementará a seguridade dos usuarios que utilizan a diario esta vía.

Que che pareceu o artigo ?