O PSOE de Monterroso presenta un recurso contencioso para que o TSXG decida a validez dun voto nulo nas Eleccións Municipais

Monterroso, 10 de xuño de 2019.- O PSOE de Monterroso presentou este luns un recurso contencioso na Xunta Electoral de Chantada para que sexa o TSXG (Tribunal Superior de Xustiza Galego) o que valore e decida sobre un voto nulo nas Eleccións Municipais.O Secretario da agrupación local e candidato á alcaldía, Rafael García, informou que os socialistas presentaron no día de hoxe toda a documentación necesaria para que o tribunal decida a validez de dito voto.

Previsiblemente, o alto tribunal galego resolverá antes do 5 de xullo, data límite para constituír a corporación do Concello de Monterroso.